Page 41 - AAA JAN 6

James Fazzio: Lo mas importante ta pa enfoca riba e
experiencia di e pasahero

Thursday, 05 January 2017 20:41
Comparti

James Fazzio CEO di AAA, a conta cu nan kier mehora e operacion di terminal y tambe e
capacidad di terminal pa pasahero.

Semper tabata tin e discusion cu lo desaroya un cargo hall cu ta conecta cu Freezone y despues
e waf di Barcadera, pero tin cu keda enfoca riba e experiencia di e pasahero. Aeropuerto ta e
prome y ultimo impresion pa e pasahero di Aruba. Ta importante pa tin’e bon y ta mas
comprometi pa haci esaki den e proximo añanan.

Demanda di vuelo

Segun James Fazzio, e reto cu aeropuerto tin ta pa e demanda keda sosode den un window di 5
pa 6 ora. Hasta cu ta mira riba un crecememto di 3% tur aña, e 3% aki ta sosode den un
window di 5 ora. Casi 60 pa 65 porciento di e asientonan programa, ta sosode entre 1’or di
merdia y 6’or di atardi. Ta trata aki cu un aeropuerto cu por bisa cu e ta diseña pa 3 miyon
pasahero. Nan ta biaha den un window di 15 ora, pero por ta e aeropuerto por maneha 4
miyon. E 3 miyon cu ta traha dentro den un window di 5 pa 6 ora, tin cu mira con pa traha e
aeropuerto diferentemente, pa asina por maneha un piek hour capacity. Con hopi cientos of
miles di pasahero pa ora e aeropuerto por handle den un solo biaha. Esaki ta loke nan ta
premira proximamente.

24/7

Antes aeropuerto tabata 24/7 habri. Fazzio a splica cu nan ta considere si tin demanda pe. Nan
no tin operacion di 24 ora, pasobra basicamente despues di 11’or di anochi y prome cu 7’or di
mainta no tin ningun peticion pa opera. Si tin aerolineanan cu ta rekeri pa traha den e oranan
ey, ta considera habri e aeropuerto. E aeropuerto lo wordo habri pa acomoda cualkier servicio
cu tin cu acomoda.

Departamento di bombero

Den pasado tabata tin papia cu e departamento di bombero lo pasa bao di aeropuerto of
directamente bao di Gobierno. Segun Fazzio, e tema ta bin de bes en cuando. Departamento di