Page 30 - HOH

Den e sentido aki, tin asina hopi punto cu mester pick up, pero no por haci tur cos
pareu, mester haci cierto escogencia. Ruben Goedhoop, director di AZV ta amplia.

A yega na e conclusion cu AZV lo bin cu 10 puntonan di enfoke. E pensamento ta

basicamente simpel den e sentido cu, miho haci 10 bon, cu bin cu 30 y ni mita ta bay
bon. Pero mester cumpli cu e diesnan aki si.

E 10 puntonan aki no tin preferencia, tur ta mes importante. Un di e puntonan di

atencion ta prevencion. Tur hende sa cu esaki ta e caminda cu mester tuma. A dicidi pa
AZV, hunto cu gobierno y otro stakeholdernan cu ta bezig caba cu e topico di
prevencion, pa bin cu’n plan nacional, integral di prevencion.

P.e. aworaki tin hopi organisacion cu ta trahando ariba prevencion. Pero mester
sincronisa esakinan y traha hunto. No pa 2019, es decir a mediano y largo plaso.
Prevencion ta ariba termino largo ta logra resultado. Esaki ta un di e puntonan
importante. Pero esaki un solo instancia no por haci’e su so, pero tur hunto ta logra un

miho resultado.

Na final di dia lo tin diferencianan di opinion y tin biaha ta sano tambe. Pero na fin di
dia tur tin e mesun meta y pa logra esaki, tur mester haci’e hunto.

GASTONAN DI AZV

Un di e puntonan mas discuti pa cu AZV ta su gastonan, y riba esaki Sr. Ruben

Goedhoop a bisa cu pa baha gasto vs maneho e gastonan, ta dos diferente cos.

Mundialmente e bahamento di gastonan ta hopi dificil. Simplemente na Aruba, mas
hende ta haya un edad halto, e vergrijzing na Aruba tambe ta tuma luga. Tin un

hospital nobo, ImSan ta expandiendo. Esaki ta trece cun’e, cu e gastonan ta subi na
mes momento. pero tambe ta wak e procesonan di Colombia y otro paisnan, pa loke ta
cuido, pa haci’e mas eficiente.

Aki ta caminda cu por structura e gastonan envolvi. Con ta bay contrata e cuido di e
dunado di cuido di salud, eynan tambe tin un eficiencia cu lo por maneha e gastonan
den un forma structural. Esey ta e meta principal. Ohala si tabata por a baha gasto, lo a
haci esaki di biaha. Pero Sr. Goedhoop ta kere cu mas miho lo ta pa focus e gastonan,