Page 19 - KPA

RANJESTAD, Aruba

Diadomingo, pa mas of menos 3’or y mey di marduga, durante un conflicto, un homber
yama MCK, a wordo deteni. Ta trata aki di un turista, kende a sali cu su amigonan na
Gusto. E tabata bao di influencia leve di alcohol. Dado momento a tuma luga un problema
cu algun Arubiano. Na momento cu polis a presenta, e turista Mericano aki a haci un
impresion agresivo. Den e caos, tabata tin un ambiente di incertidumbre di loke ta pasando
cerca hopi di e testigonan y e security na Gusto, kende tabata tin e homber wanta. E
homber lo mester a haci menasa. El a wordo deteni pa buracheria pa asina evita mas
problema. Despues cu el a wordo hiba warda, y paz a reina na e sitio, a bin resulta cu e
instigador di e conflicto tabata un hoben local, kende tabata comporta su mes masha fresco
cu Flex Team. El a wordo bisa pa e bandona e sitio. Na warda, Fiscal Auxiliar a wordo poni
na altura y a tuma e decision di pone e sospechoso den libertad. Durante e detencion no a
haci uzo di violencia. Si a pone boei na man di e sospechoso. Deliberando cu e fiscal
auxiliar, e mutatie a wordo traha. MCK a wordo poni den libertad y a yama un taxi p’e pa
hibe su hotel.

NOTICIA DI POLIS: POLIS A
ATENDE CU HOBENNAN
PROBLEMATICO NA ALTURA DI
HILTON HOTEL

FARRAH BOEKHOUDT 47 SECS
POST VIEWS: 37
POSTED ON MAY 02, 2017, 10:25 PM

ORANJESTAD, Aruba

Diadomingo, pa mas of menos 3’or y 15 di marduga, durante di detencion di un sospechoso
door di Flexteam na The Village, polis a wordo pidi pa asisti na e detencion aki. Nan mester
a mantene algun amigo di e sospechoso riba un distancia. Un hoben y un damita, yama K.
mester a wordo pidi pa nan mantene nan distancia. Nan a keda haci fastioso y K. a dicidi di
insulta polis. Polis a dicidi di detene K., pero esaki a core duro bay. Na altura di Hilton
Hotel, despues di un persecucion cortico na pia, a bin detene. E sospechoso a resisti pisa y