Page 71 - SJA DEC 12

Evento ‘Leadership & Excellence’ di Minister Paul Croes

tabata excelente

Sunday, 11 December 2016 19:57
Comparti

Fundacion Leadership and Excellence a organisa diasabra ultimo 10 di december un concierto excelente
y anochi di premiacion sumamente exitoso.
Publico a disfruta di un anochi caminda nos miho artistanan local y regional a deleita cu presentacionnan
fabuloso ademas di a presencia con e fundacion ta reconoce nos ciudadanonan pa e trabou y ehempel
positivo cu nan ta contribui na nos comunidad. Esaki ta e di cuater aña consecutivo cu e politico y actual
Minister di Asuntonan Social, Hubentud y Labor, drs. Paul Croes ta organisa e evento.

Ballroom di hotel Barcelo (ex Occidental) tabata completamente yen ya cu e evento aki a ‘sold out’ ya for
di algun dia anterior. Artistanan manera Nicole van Eer, Popcorn Dancers, Mitch Almary, Ron Martis
hunto cu Kriss Kross, Miguel Genser, Rocco Flava, Janiro Eisden y un final cu broche di oro cu a cuminsa
cu dueto entre Izaline Calister, Tony Sherman. Tur e artistanan aki a wordo compaña pa un banda

magistral consistiendo di Jeremy Bonarrida, Ivan Quandus y Johnny Scharbaay bou di e direccion di
Maarten Buitenweg.

Banda di e show grandi aki tambe a duna reconocimento na personanan cu ta destaca den nos sociedad
pa e trabounan comunitario cu nan ta haci. Pa 2016 a reconoce Raymond Kamperveen, Chico Harms y
Janine Rodriguez. Minister Paul Croes ta gradici gerencia di Barcelo Aruba, su ekipo di trabou y tur cu ta
apoya e organisacion Leadership and Excellence y ta comparti su deseonan di pas y union pa 2017.