Page 18 - AVP

empresanan a worde confronta cu un “aanslag” cu a aumenta dramaticamente y pa
hopi e cambio inespera aki ta causa un problema financiero grave. Esaki no ta manera
pa atende cu nos conciudadanonan, segun AVP.

Tambe Eman a bisa cu Partido AVP a consulta cu diferente consehero fiscal cu a duna di
conoce cu na nan opinion e aplicacion di tarifa nobo aki ta en pugna cu ley. Locual nan
ta splica ta cu Landsverordening Grondbelasting ta traha cu un ciclo di 5 aña. E valor di
bo propiedad ta worde calcula pa e cinco añanan ey. Riba e valor aki e percentahe di

grondbelasting ta worde calcula. Normalmente e valor ta keda vigente pa 5 aña. Den
caso di un expansion of renovacion di e propiedad dentro di e cinco aña e impuesto por
worde aumenta, pasobra e valor a subi.

Locual si no por segun e expertonan ta cu gobierno dentro di e cinco añanan ey ta
aumenta e tarifa. Segun e fiscalistanan e ley no ta permiti esaki y pa e motibo ey nan
ta conseha nan clientenan pa bay den bezwaar contra di e aanslagenan aki.

AVP sa cu hopi ciudadano no por paga un fiscalista pa busca nan derecho. Pa e motibo
ey AVP lo organiza un anochi di lectura cu presentacion di expertonan riba e tema aki
na cual tur intresado por acudi. E anochi aki ta tuma lugar Dialuna 3 di Juni pa 7’or di
anochi na Cas di Partido.

E cambio di grondbelasting ta forma parti di e asina yama “rerforma fiscal” cu gobierno
a bisa cu lo combini pueblo, pero tur dia consumidornan ta sinti nan mes mas strangula
financieramente a consecuencia di e medidanan den e pakete di reforma fiscal. E forma

tambe di impone esaki sin un dialogo y falta di transparencia ta haci cu no unicamente
e medidanan aki ta causando un perdida grandi den poder di compra, pero ta creando
un insiguridad grandi tambe cerca ciudadanonan y inversionistanan locual ta reflehando
tambe den e pesimismo cu tin pa cu futuro di Aruba. Tur esaki ta keda evidente tambe

den e Consumer Survey di Banco Central cu a sali recientemente.

Pa sostene nos comunidad den e incertidumbre aki y haya mas informacion con henter
e asunto aki ta hinca den otro y kico ta e caminda cu e ciudadano tin pa cana ta locual

AVP lo dedica un lectura na dje riba dje Dialuna 3 di juni pa cuminsando pa 7’or na Cas
di Partido. Ta importante pa nos ciudadanaonan ta informa di nan derecho y si e
argumentonan cu e expertonan fiscal presenta ta locual nos por para su tras tambe nos