Page 38 - AVP

Robert Candelaria (AVP) Na Minister Rudy Lampe

(RED): Gobierno Mester Stop Di Manda Mensahenan

Contradictorio

 Politica
- 28/05/2019

Relaciona cu legalisacion di marihuana

Parlamentario Robert Candelaria di fraccion di AVP, siguiendo di cerca e declaracionnan
di Minister dr. Rudy Lampe durante e siman aki, a lamenta e hecho cu e mandatario ta
cuestiona profesionalismo di hendenan cu hopi aña di experiencia/experticio den e ramo
di adiccion.

Tur esaki den un afan pa defende e intencion di su partido y su Gobierno pa legalisa
droga na Aruba, scondi bou capa di medicinal, pero mara na cultivo propio na cas.

Expertonan local na Aruba bisando mesun cos, Marihuana ta un di e droganan cu
adictonan ta experimenta cune prome cu nan bay na droganan mas pisa.

Locual cu ta berdad tambe ta cu no ta tur hende cu a uza marihuana ta bira un adicto, pero
locual cu si ta berdad, cu no por uza palabra bunita pa lag’e zona mas nechi cu e ta:
Hendenan cu ta adicto of cu tabata adicto ta bisa cu nan a cuminsa dor di uza marihuana y
no di e otro banda.