Page 10 - ARUBA BANK

Pago di un suma fiho pa luna
Parlamentario Croes ta sigui bisa cu gobierno tambe mester carga un responsabilidad den esaki door di ta
atrasa. Gobierno awor por ehempel ta bezig cu aña 2014. Imagina un Taxi/Autobus haya cobransanan atrasa di
2 of 3 aña hunto. Esaki ta hinca nan den un posicion hopi fastioso. Hustamente esaki nos kier evita.

Parlamentario Croes ta boga pa un sistema cu Taxistanan por ‘draag af’ banda di e BBO tur 15 di luna un suma
riba nan primanan di AZV y AOV. Por ehempel e sentimento ta reina cu tin boluntad pa por paga un suma fiho
pa luna di Afl. 500 florin cual lo wordo reparti entre BBO, AZV, AOV etc. Si logra crea e posibilidad aki

gobierno por genera structuralmente minimo Afl. 200.000 pa luna cual ta alcansa Afl. 2.4 miyon pa aña
contando taxinan so sin autobus. Esaki lo alivia e taxistanan di haya cobransanan di sorpresa ora di entrega IB
y asina alivia nan di cay den un “gap” cual por bira dificil pa nan sali afor cu tempo. No solamente esaki pero
ta conoci cerca nos cu ora un taxista por ehempel fayece hopi biaha e belastingnan aki ta gara e familiarnan cu
ta keda responsabel di sorpresa y ta causa mas dolor. Pues banda di esaki tin diferente otro puntonan pero un di

e puntonan vital ta e cuestion aki.

Trahando y scuchando pueblo

Parlamentario Endy Croes a splica di a manda email na nomber di Fraccion di MEP pa Minister di Finansas,
Prome Minister y Director di DIMP pa asina hunto pensa e formula pa acomoda e grupo aki cu e
documentonan necesario pa nan por cuminsa paga mensualmente riba tur e primanan. Pronto lo sinta tambe cu
Minister Romero pa atende diferente otro puntonan valido di preocupacion. Parlamentario Endy Croes a
termina bisando cu pueblo a presta nos un stoel pa 4 aña y sigur como miembro di Fraccion di MEP nos ta

trahando den ekipo scuchando tur hende pa purba yega na solucionnan practico y faborabel pa pueblo. Pueblo
lo huzga nos na final, Croes ta termina bisando.

https://arubanative.com/2019/07/04/parlamentario-endy-croes-un-mihor-structura-fiscal-pa-taxista-ta-
na-su-lugar-mester-crea-un-forma-cu-e-taxistanan-por-paga-nan-primanan-manera-azv-mensualmente-
pa-evita-sorpresa/