Page 42 - ARUBA BANK
P. 42
GOBIERNO: NO TIN PLACA PA
PAGA INDEXERING
4 July, 2019, 4:52 pm
Minister di Finanza Xiomara Ruiz Maduro diahuebs mainta a papia, durante un
conferencia di prensa riba e tema di Indexering. Un biaha mas y den forma enfatico e
mandatario a bisa cu awo Gobierno no tin e 20 miyon florin cu indexering lo bay costa si
nan mester bay di acuerdo cu e demanda di e sindicatonan cu ta representa e
empleadonan publico.
“No ta berdad cu e sindicatonan no a haya contesta riba nan carta,” Ruiz Maduro a
cuminsa pa bisa riba e tema di indexering. “Nan a haya contesta caba. Inclusive, nos a
reuni cuatro (4) biaha cu nan.” E mandatario a papia di e motibo cu kisas niun hende sa
cu e reunionnan aki a tuma luga, pasobra nan a prefera di reuni den silencio.
E tin miedo cu bayendo den prensa of publico , ta haci cu “tur hende ta join e cos aki y
crea un ambiente innecesario cu ta stroba e trankilidad cu mester pa hiba e
combersacionnan.
Sindicatonan ta demanda 3.6% pa compensa e perdida di poder di compra den 2018.
Cada porciento, el a bisa, ta costa 6.6 miyon florin y e 3.6% ta representa en total 20
