Page 12 - BNDIA ARUBA

a12 riba caya
Diahuebs 8 augustus 2019

Resort na Savaneta lo rebiba coral y re-planta mangelnan

ORANJESTAD - Coralnan ta provee un cas pa e pis-
canan y ta proteha nos costa di erosion y mata di man-
grovenan ta proteha for di tormenta y bientonan fuerte
di horcan. Mangrove nan ta stabilisa e sedimentonan
cu nan raisnan. Tur dos elementonan aki ta mantene
nos awa cla y di calidad, door di filtracion di e sedi-
mentonan.

Pero cu desaroyo di nos turismo hopi biaha tanto e coral como
e mangrovenan ta keda menasa. Na Ocean Villas Resort na
Aruba, un proyecto ta na caminda pa transplanta coralnan
bibo riba coralnan cu ta muriendo dunando nan bida atrobe y
un programa pa replanta matanan di mangrove. Cu e turismo
di Aruba como un sector importante di Aruba su economia,
e reto di balancia crecemento economico conhuntamente cu
proteccion di nos medio ambiente ta crucial.

Segun e comunicado cu Bon Dia Aruba a ricibi ta indica cu
ya nan a cuminsa na the Ocean Villas, di colecta e coralnan cu
a crece den e “nursery” y transplanta riba partinan morto, cu
awor ya caba ta floreciendo y creciendo rapidamente. Pa por
yuda den e esfuersonan pa tin un produccion mas exitoso di
e coralnan nobo aki, a tuma contacto cu expertonan di e Uni-
versidad di Alemania cu pronto lo bin Aruba pa duna un man
den e proyectonan aki.
“Si nos por hacie aki, nos por motiva otro hotelnan pa haci
mescos. Pa cuminsa pensa pa cuida nos ocean y e bida den
dje”, asina Osyth Henriquez propietario di Ocean Villas a
bisa yen di entusiasmo cu su proyecto.
Sra. Henriquez a tuma contacto cu Dr. Christiaan Prober, un
Marine Biologist cu ta traha hunto cu Institute for Tropical
Ecology na Allemania y pronto lo e ta na Aruba pa explora
mas posibilidadnan pa e criamento di coral y e re-platacion di
mangrove den area di e resort.