Page 25 - AWEMAINTA

AWEMainta Diamars, 18 April 2017 25

Tiramento cu herido

na Kaya Plateau

WILLEMSTAD – Diabierna 14 di april 2017, alrededor di
21:41, Central a dirigi un patruya na Kaya Plateau (Kustbatterij)
pa un caso di tiramento cu herido. Aparentemente un homber cu
un capuchon bisti a tira un otro homber.

For di un investigacion preliminar cu Polis a realisa na e sitio nan
a bin compronde di e victima cu e tabata para dilanti di un cas den
Kaya Plateau hunto cu un otro homber.
Na dado momento e homber cu e capuchon a cana bini riba dj’e y
saca un arma di candela y los algun tiro dirigi riba dj’e. Despues di
su acto e sospechoso cu capuchon a cana bay for di e sitio.

E victima un homber di 27 aña di edad a ricibi algun tiro na e parti
abou di su curpa. Ambulance a transporta e victima pa policlinica
di hospital pa tratamento medico. Polis a haya y confisca algun
“huls” na e sitio. Motibo di e tiroteo aki ta den investigacion.