Page 18 - apa_Neat
P. 18
Entrante 1 di Februari Aruba Ports Authority
N.V. lo conoce un director nobo
January 10, 2019
ORANJESTAD (AAN): Despues di un trayectoria hopi exitoso como Commerce Manager
na Aruba Airport Authority N.V., Sr. Marc Figaroa lo asumi puesto di Director di Aruba
Ports Authority, cuminsando dia 1 di Februari 2019.
Pa algun tempo caba APA tabata buscando un director nobo pa asina asumi cargo di
ing. Jossy Figaroa, kende mester a traha te cu 31 di December, pero segun Bureau di
Minister Dangui Oduber, nan a pidi’e pa keda te ora tin un director nobo pa APA.
Asina cu director nobo di APA asumi su funcion, ing. Figaroa lo brinda su asistencia pa
loke ta trata maneho di APA, y asina e proceso bay mas facil y lihe posibel. No por keda
sin menciona cu sigur nan lo traha duro pa sigui riba desaroyonan positivo pa loke ta
trata cantidad di turista crucero, proyectonan grandi manera proyecto di dregging y
traha riba plannan den agenda cu ta bao di cargo di Minister Dangui Oduber, conoci
como Port City.
Sr. Marc Figaroa a logra hisa nomber di Aruba durante su carera den Aeropuerto den
funcion di Commerce Manager, y sigur e lo sigui cu e exito aki den APA.
http://www.diario.aw/2019/01/entrante-1-di-februari-aruba-ports-authority-n-v-lo-conoce-un-director-
nobo/
