Page 21 - AVP

“Decisionnan Tuma Den Ministerraad No Ta Na

Disposicion Di Parlamento” Segun Parlamentario

Tevreden Di Fraccion Di MEP

 Politica
- 03/07/2019

Ta tristo pa mira cu sr. Ricardo Croes ta bin dilanti y ta haci comosifuera cu Parlamento
kier tuma credito pa un decision cu a ser tuma den Ministerraad pa loke ta trata
enseñansa.

Den Ministerraad ta Ministernan di MEP, di POR y pa recorda sr. Ricardo Croes, e
Minister di RED ta sinta, no Parlamento!

Esey ta nifica cu Minister Armando Rudy Lampe ta bon na altura di decisionnan cu ta
wordo tuma entre e y su coleganan, y si acaso cu e no ta di acuerdo e lo por haci esaki
conoci tambe den Ministerraad, Parlamentario di MEP, Hendrik Tevreden a duna di
conoce.

Despues cu Minister Lampe a wordo yama den Parlamento (openbare bijeenkomst) y a
wordo conseha pa e bay bek y dialoga cu e docentenan di SPO y Trai’Merdia y a tarda pa
haci esaki, Hendrik Tevreden a tuma riba su mes pa haci e bishitanan personalmente.