Page 18 - JUS

A pidi castigo di prizon pa Polis cu a viola dama den auto di
Polis cu uniform bisti

Thursday, 09 March 2017 16:56
Comparti

Polis Eduardo R. Bremo tin un castigo di 3.5 aña di prizon colgando riba su cabes. Esey ta e demanda cu
Fiscal a haci awe den Corte, relaciona cu un acusacion serio contra dje. Ta acus'e cu e lo a viola un dama
den auto di Polis, trahando, cu uniform bisti.

Abogado mr. Nancy Gravenstein a defende e Polis durante tratamento di su caso. Ministerio Publico ta
acusa polis Bremo di a viola un dama dia 10 di november 2016. E violencia a encera cu e, na uniform di
Polis, a (entre otro) duna e persona ordo pa mustra su paspoort y pa e subi den auto di Polis. E lo a bisa e
victima cu e ta bay hibe cera, a hibe na un luga leu, a bise varios biaha cu e ta un Polis y cu e tin un pistool
y consecuentemente a haci uso di e desigualdad di poder cu a surgi como resultado di e situacion. Pero
separa di e prome acusacion ey di violacion sexual, a bin acerca awo cu den su posicion di ambtenaar y
Polis, a malversa obhetonan, esta un chin-up y dos klop, den e periodo di 1 di januari 2009 te 16 di
november 2016. Comosifera poco, Fiscal tambe ta acusa e Polis di, a ilegalmente haci doño di 60 bala y
un cachiporra. Den su defensa, abogado a splica Hues cu berdad e Polis a bay na un luga conoci pa tin
prostituta y a djis tene relacion cu e dama, sin cu el a paga pe. E ta acepta cu esey a sosode bou ora di
trabou dia 10 di november 2016 pero nada di rape, a bay boluntario. Sinembargo, e dama, cu a entrega
keho un dia despues, dia 11 di november 2016, a bisa cu e Polis a bin eynan pidi pa su paspoort y a bay
cune pa controla na Warda. E nunca a yega Warda di Polis, sino den un luga aleha unda e Polis a cord'e
cu e ta arma y asina a rape e y despues bahe den cercania di e cas bek. Cuater dia despues e mesun Polis a
bolbe regresa e cas, cu intencion pa bolbe controla un otro muchha muhe y e ora si a detene mesora.
Eduardo Breno ta deteni desde diamars 15 di november 2016. Na un prome instante a papia di secuestro
(wederrechtelijke vrijheidsberoving) y violacion (verkrachting). El a cuminsa un procedura penal pa
bringa su detencion, pero Hues a rechasa su peticion y como tal el a sigui encarcela na KIA, pendiente su
caso. Hues a scucha e demanda di Fiscal y despues e defensa di abogado. E lo evalua e caso y lo dicta
sentencia dia 30 di maart proximo. E polis ta cera keto bay na KIA.

http://www.24ora.com/index.php?option=com_content&view=article&id=119559:a-pidi-castigo-di-prizon-pa-polis-
cu-a-viola-dama-den-auto-di-polis-cu-uniform-bisti&catid=1:local&Itemid=5