Page 60 - JUS

Sindicato di Polis: Laga investigacion cana

Thursday, 09 March 2017 17:24
Comparti

Sindicato di Polis di Aruba S.P.A. a desmenti e alegacionnan cu a sali recientemente cu nan lo ta disgusta
pa motibo di detencion di 2 Polis cu entretanto a bira 4 Polis, acusa di maltrato despues di carnaval.

S.P.A. semper ta para pa su miembronan, pero ora cu tin investigacion andando, como un sindicato
responsabel, semper ta busca mas informacion concreto y lo laga e investigacion cana su caminda pa
asina no stroba esaki. E aclariacion aki a bini despues cu Polisnan disgusta a informa na varios medio cu
nan a acerca SPA relaciona cu e forma y procedura cu ta hibando pa persigui Polisnan. Es mas, separa cu
ta haya cu e drempel pa cera un Polis ta mucho abou, ta acusa Husticia di ta trata Polisnan di diferente
rango na forma distinto. Pasobra despues di e mesun carnaval grandi, un ciudadano a entreha keho di
maltrato formal contra un Alto Inspector pero ainda nada. Awor cu SPA a opta pa mantene un silencio
hermetico ta un otro asunto. Ta obvio cu e miembronan a informa prensa di locual a discuti durante e
reunion na POVA cu nan sindicato. Mientrastanto Ministerio Publico a sali declara cu berdad tin un keho
oficial entrega contra Alto Inspector Adrich Croes, pero cu ora caba cu e investigacion andando den caso
di e 4 Polisnan encarcela awor, lo bay over na investiga esun ey. A corda tur hende cu e recursonan y
recherchenan den e departamento di BIZO ta limita.

http://www.24ora.com/index.php?option=com_content&view=article&id=119564:sindicato-di-polis-
laga-investigacion-cana&catid=1:local&Itemid=5