Page 16 - AM190125
P. 16
16 AWEMainta Diabierna, 25 Januari 2019
MEP ta celebra
Dia di Betico cu su
tradicional koffiemorgen
FORSA Femenino Grace, e hala femenino
di partido MEP, ta celebra Dia di Betico cu
e tradicional koffiemorgen na Cede di MEP.
Koffiemorgen tuma lugar awe diabierna dia
25 di januari y ta cuminsa mainta 10’or
mainta y ta caba pa 2’or di merdia. Lo tin
diferente bolo y cos dushi, kofi y te.
Pa partido MEP ta importante pa ciudada-
nonan di nos pais conoce mas di e gran
luchador pa nos pueblo, Betico Croes, nos
gran Libertador, kende a logra nos Status
Aparte. P’e motibo aki tambe Forsa Femeni-
no Grace ta dedica algun ora di Dia di Betico
p’asina pueblo por bin hunto pa recorda e
gran Arubiano aki, kende pa semper lo keda
bibo den curason di henter Aruba.
Pueblo mester keda semper agradecido pa
tur loke Betico Croes a haci pa duna nos pais
su libertad. Laga nos tur riba su fecha natali-
cio awe hisa nos bandera cu orguyo, canta
nos himno cu henter nos curason y demostra
na henter mundo cu como un pais chikito
nos tambe tin nos Libertador, Betico Croes,
kende a duna su bida pa logra e libertad di e
pueblo aki.
Bin celebra hunto cu Forsa Femenino Grace
y Partido MEP, Dia di Betico na sede di MEP
awe diabierna dia 25 di januari pa 10’or di
mainta.
