Page 50 - ATA
P. 50
Minister Xiomara Ruiz-Maduro A Priminti Sindicato Di
Aduana: Dia 2 Di September Awor E Asunto Di E
Areglo Salarial Nobo Ta Cla Pa Aduana
Politica
- 28/08/2019
Minister di Finansa, Asunto Economico y Cultura, Xiomara Ruiz Maduro hunto cu
colega Minister di Husticia, Andin Bikker a priminit dirigentenan di SADA, cu ta
representa e trahadornan di Aduana, cu dia 2 di september awor, lo tin claridad riba e
areglo di salario nobo pa Aduana.
Tabata na juni 2017 cu Gobierno anterior a yega na un convenio cu Sindicato di Aduana
pa haci adaptacion n’e salario di Cuerpo di Aduana. Como cu tabata na vispera di
eleccion, mucho no a wordo haci pa por a cuminsa cu e implementacion di e cambionan
necesario.
Na momento cu Gobierno nobo a asumi e responsabilidad a atende e trabounan necesario
cu diligencia y a pone fondo disponibel den presupuesto 2018 y 2019 pa por cubri e
cambionan acorda den e convenio, ya cu gobernacion mester por conta cu continuacion.
