Page 17 - MIN ON

Juffr. Menita Oduber Ta Cumpli 89 Aña

 Local
- 23/04/2017

Un persona hopi conoci den pueblo di Paradera sra. Menita Oduber-Yarzagaray, awe 24
di april ta celebra su 89 cumpleaños. Juffr. Menita durante mas di 50 aña a para dilanti
klas na varios scol catolico y mayoria aña el a pasa trahando na scolnan na Paradera.

Un cantidad grandi di hobennan a ser guia den nan desaroyo pa Juff. Menita y por bisa cu
den algun caso el a educa yuinan di famia te den tres generacion, pues e tabatin e mayor,
e yiu, nieto of nieta den klas!

Ademas di a duna un aporte enorme na educacion sra. Menita Oduber a dedica hopi
tempo na trabaonan social y caritativo. E ta un di e prome leidsternan den padvinderij
durante hopi aña. Varios di su alumnonan a yega na ocupa posicionnan halto den nos
comunidad.

Nos ta pidi Tata Creador pa bendiona sra. Menita Oduber cu hopi salud, felicidad y
prosperidad pa hopi aña mas hunto cu su sernan keri. Un pabien grandi na sra. Menita
Oduber, su yuinan, nietonan y tur famia. Hiep Hiep Hoeraaa!