Page 9 - MIN ON

Rene Herdé Kita tur obstaculo pa miho enseñansa

Monday, 24 April 2017 08:10
Comparti

Pa nos hisa e calidad di nos enseñansa y percura cu nos enseñansa ta sirbi tur mucha y hoben te maximo
di nan capacidad, mester kita tur obstaculo cu ainda tin den enseñansa y den comunidad. Den e ultimo
añanan a haci hopi di esey. Awor mester bolbe dirigi e maneho riba renobacion structural di enseñansa,
sin desvia di e metanan cu proyectonan cosmetico."

Asina Rene Herdé, educador di profesion, a bisa siman pasa den reuda di prensa. Cu esey e kier mustra
cu e condicionnan cu a crea e ultimo añanan den enseñansa, ta permiti pa renoba enseñansa manera nos
pais y nos alumnonan tin mester awor y pa futuro. 2009-2017 Na fin di 2009 tabata tin hopi mucha den
edad di bay scol cu no por a bay scol, pasobra no tabata tin luga na scol. Nos ta corda por ehempel e
borchi cu tabata para na Maria College na Playa, cu tabata tin scirbi pa studiantenan y nan majornan bay
busca scol otro caminda. Tambe e cantidad di mucha cu mester a core den bus di un parti pa otro pa haya
un scol pa bay. Mucho scol tabata den mal estado. Nan a wordo neglisha! Ta pa e motibo aki mester a
inverti asina hopi den drecha y traha scol den ultimo ocho aña. A mehora e condicionnan fisico pa un
bon enseñansa. Na 2010 a re-introduci e INDEXERING di salario di maestronan di scol cu a wordo kita
pa 8 aña door di gobierno di MEP. Asina a cuminsa mehora e salario di maestronan di scol. Awor ta
preparando un ley hunto cu sindicato di maestro di scol SIMAR pa kita e obstaculonan cu tin den e
sistema di salario y carera di maestronan di scol. Rene Herdé: "Un di e instrumentonan pa mehora
calidad di enseñansa ta pa sigui hisa e nivel profesional di maestronan di scol y hunto cu esey mehora e
pago na maestronan di scol.

Drechamento di scolnan y mehoracion di e posicion di maestronan ta condicionnan necesario pa mehora
calidad di enseñansa. Door di crea e miho condicion fisico y financiero aki, a kita un obstaculo pa
renobacion di enseñansa mes. Awor cu e majoria di scolnan ta bek den bon condicion y e plannan pa
restructura e posicion di maestronan di scol ta cla, mester haci e renobacion structural di nos enseñansa
e curason di e maneho di enseñansa. Pa presente y futuro di nos pais y nos alumnonan esaki ta
indispensabel." (Rene Herdé ta un educador di profesion. Ela studia na Universidad di Leiden y a traha
den Departamento di Enseñansa prome y despues di comienso di Status Aparte na 1986. Ela traha
añanan largo cu e sindicato di maestronan di scol SIMAR y den un cantidad di comision y organisacion
pa renobacion di enseñansa na Aruba. E ta na fabor di cambionan structural pa enseñansa sirbi nos pais
y nos studiantenan miho. Lesa otro articulonan di Rene Herdé, pa e splicacion di kico, con y pakico di
renobacion di enseñansa.)