Page 17 - ON JAN 31

Michelle Steenvoorde-Lacle: Tin

hopi punto cu por wordo cambia

pa mehora calidad di nos

enseñansa

31 January, 2017
0

Na momento di ta referi na un empresa exitoso, empresarionan semper por
hustifica e regla primario cu ta sinta tras di e exito aki. Empleadonan!

Trahadonan den nan funcion, cu no solamente ta sinti nan como un parti
importante di e empresa, pero alabes ta eherce nan trabou diario cu

competencia y eficiencia.
Den organisacionnan “non profit” manera scolnan, esaki no ta nada diferente.

Maestronan den e caso aki lo kier ta sinti nan mes aprecia y scucha.
Aruba ta den aña 2017 y te ainda scol, maestro y/of mayornan no ta conta cu
un “Medezeggenschapsraad” den desicionnan cu ta wordo tuma den innovacion

y accion den enseñansa. Masha hopi ta e desicionnan cu ta wordo tuma pa
cambionan den enseñansa sin e intento pa inclui e opinion di docente y

mayornan. T’asina cu desicionnan tocante e calidad di enseñansa sa wordo
tuma door di expertonan cu nunca a traha of biba di cerca di loke en realidad ta

pasa na e scolnan.