Page 5 - ON JAN 31

MEP ta contra GED y Enseñansa na Ingles

Tuesday, 31 January 2017 10:51
Comparti

Recientemente un miembro di partido MEP a saca un relato vociferando MEP su posicion encuanto e
programa di GED cu Minister di Enseñansa a anuncia cu ta duna hobennan di 17+ aña un di dos chens
pa logra un diploma na nivel di High School.

Minister Michelle Hooyboer-Winklaar a anuncia cu e programa aki ta wordo ofrece door di International
School of Aruba (ISA) cu ta e unico scol aki na Aruba cu ta ofrece un "GED accredited program". A splica
cu e programa aki ta duna un diploma ekivalente na un High School diploma pa esnan cu no a gradua na
nivel secundario. E programa ta na ingles y lo wordo haci durante di orarionan atardi pa esnan cu ta
trahando por sigui e programa y sigui traha.MEP ta contra duna e segundo chens aki y ta insisti cu
Hulandes mester ta e unico idioma cu ta ofrece den educacion na nos hobenan. MEP ta sigui cuestiona e
"miyones" cu lo duna ISA, pero na unda nan a yega na e suma aki ta desconoci.E cantidad grandi di
studiantenan cu a acudi ya caba pa e programa y e acohida grandi cu GED a ricibi for di mayor y
studiantenan lo ta algo cu MEP ta igorando y mirando cu esaki ta un aña di eleccion, e ta interesante cu
partido MEP lo scoge pa limita e opcionnan y opta pa no scucha for di pueblo loke nan kier.Tambe den e
relato skirbi door di un maestra cu a cobra salario mas cu 1 aña sin presenta na trabou, ta cuestiona e
hecho cu ta stimulando estudio na Canada. Segun e docente aki, lo mester tin algo dudoso tras di esaki y
lo ta imposibel cu ta simplemente cu Canada ta un di e paisnan mas renombra pa nan calidad di
Enseñansa. E hecho cu nos studiantenan ta hayando aceso na esaki ta comisifuera segun e, ta algo
malo.No ta conoci a base di kico MEP ta yega na e conclucionan aki, of cu ken nan a combersa pa por
deduci cu Hulanda mester ta e unico opcion y Hulandes e unico idioma, bou di cualkier circunstancia. Pa
esnan cu ta anticipando drenta e GED program, probablemente e declaracion di MEP pa elimina e
opcion aki ta trece claridad na unda MEP ta para pa loke ta trata Enseñansa na Aruba.