Page 2 - BNK DEC 21
P. 2
AWEMainta Diaranson, 21 December 2016 17
Aruba ta nos isla...Aruba Bank ta nos banco!
A inaugura rotonde di Hato
den ambiente di Pasco
MANERA ta un tradicion di algun aña caba,
anualmente Aruba Bank ta aporta cu decoracion
di un of otro rotonde.
Desde cu a habri e sucursal nobo na Hato, a
adopta e rotonde dilanti nan banco. Dialuna
ultimo a tuma lugar apertura di e rotonde cu
adorno di fin di aña.
Un ekipo di empleadonan di Aruba Bank mes a
haci e trabao. E evento a inclui musica, show y
e treatnan dushi di e temporada.
Tambe tabatin presentacion di Maykxionne
Maduro, Nayella y Jaden Thijzen, Javinah su
Angelnan, Ivy Anne Brijsen y Jorzinho Thijssen
cu a deleita un y tur presente cu canticanan di
temporada den bosnan angelical, mientras cu
tabatin baile di Kids 2 Kids, mientras cu na final
a tuma lugar presentacion di e grupo Katatumbo.
Di e forma aki henter comunidad a disfruta di no
solamente e celebracion p’e decoracionnan di e
rotonde, pero tambe tur cu pasa eybanda ta sinti
e ambiente di Pasco mas....danki na Aruba Bank.
