Page 6 - AWEMAINTA
P. 6
6 AWEMainta Dialuna, 22 juli 2019
Tres studiante Arubiano di TU
Delft trahando riba e prome
Rover di Hulanda pa bay luna
DIASABRA 20 di juli a cumpli net mey siglo pasa cu Neil
Armstrong a pone su prome paso riba luna y na e momentonan aki
e Proyecto Lunar Zebro ta bezig pa hiba e prome Rover Hulandes
luna. E proyecto ta uno di facultad di TU Delft (Universidad di
Technologia di Delft), cu a cuminsa na aña 2017, na unda profesor-
nan di e facultad di e universidad y studiantenan ta traha hunto
den cooperacion cu otro partnernan.
Entre e studiantenan tin tres ex-studiante di Colegio Arubano tra-
hando activamente riba e proyecto. Nan ta Jillian Oduber, Rod-
erick Tapia y Claudia Sweerts. E proyecto no lo bira djis e prome
Rover Hulandes riba luna, pero tambe esun di mas chikito y di
menos peso.
Plan pa lansamento na aña 2022
Ta realisando e mision cu plan pa lansa e Zebro na aña 2022. E
meta principal pa awo ta pa test si e Rover por resisti dia cla lunar
riba luna. Di dia cla lunar ta dura mas of menos dos siman di tera
(14 dia). Un reto basta pisa pa un robot chikito, pasobra e Zebro
apenas ta pisa 2 kilo, ta mas chikito cu un papel size A-4, cu ta 210
× 297 mm. E ta traha ful cu energia solar. Esaki kemen cu e Zebro
lo funciona den dia cla lunar y lo ta den comunicacion cu tera.
Condicionnan di luna
Esaki kemen tambe cu e mester por midi forsa cu e condicionnan
hopi dificil cu tin riba luna. Por ehempel e diferencianan extremo
den temperatura, e exposicion na e radiacion di solo, e paisahenan
bruto y rof y e ‘moondust’ fini cu ta penetra tur caminda. P’esey
ta construi e Rover cu un material innovativo cu yama Ceramix
Matric Composite (CMC), special traha resistente pa den espacio.
Despues ta bin riba e material aki varios capa di material di isola-
cion.
Sigui na pagina 7 >
