Page 20 - AWEMAINTA
P. 20
20 AWEMainta Diaranson, 15 Mei 2019
Keeping an Art Journal
BIBLIOTECA Nacional Aruba ta ofrece un curso tocante di
‘Keeping an Art Journal’ p’e sernan creativo cu tin gana di explora e
forma di expresion aki. E curso ta cuminsa 14 di juni y tin duracion
di 7 siman. Registracion ta posibel via info@bibliotecanacional.aw
Sesionnan ta diabierna atardi 5or pa 7or, 14 di juni, 21 di juni, 28
di juni, dia 5, 12, 19 y dia 26 di juli.
KICO TA UN ‘ART JOURNAL’?
Un ‘Art Journal’ ta un diario caminda ta warda idea, imagen, haci
experimento, traha composicion nobo, experimenta cu material y
color, dibuha, corta/pega (collage), usa tur sorto di material y tur
tecnica pa yega na algo cu bo ta gusta. Tambe bo ta scirbi den dje,
un combinacion di texto y imagen. Docente p’e curso ta sra. Lilly
Peterson. Pa mas informacion por yama na Biblioteca 582 1580 y
puntra pa Gina.
“Bringing our graduates home”
DIA 24 di mei 2019, We Connect Aruba y Universi-
dad di Aruba ta organisa un seminario cu e meta pa ex-
plora e retonan pa conecta hobennan jong y talentoso
cu ta biba den exterior cu e oportunidadnan di carera
existente riba e islanan, principalmente e mercado lab-
oral di Aruba.
Nos kier compronde mihor e metanan mutuo y dife-
rente y e ambicionnan di e talentonan jong y e organ-
isacion y companianan cu kier tuma nan den servicio.
Lo tin presente diferente experto riba e materianan,
kendenan lo splica nan perspectiva of experiencianan
di e topiconan cu ta wordo trata.
Despues ta sigui discusion y sesionnan di pregunta y
contesta (Q&A) durante cua expertonan lo participa
como lider di opinion conhuntamente cu dunadornan
di trabou y representantenan di plataformanan hubenil
y tambe organisacion y companianan cu ta interesa den
emplea nan. Bo ta cordialmente invita como partner y of interesado
n’e debate importante aki dia 24 di mei 2019 di 14.00
– 18.00 na Universidad di Aruba.
Nos ta spera cu na final di e seminario nos por a ofrece
e participantenan algun punto di comprendemento y Registra awe mes na http://www.ua.aw/2019/05/09/
tambe punto di salida. weconnect-in-aruba/
