Page 32 - bon-dia-aruba-20170130

32 local
Dialuna 30 Januari 2017
Cu ayudo di mariniernan Pop Up-Clean Up a tene su di 8 accion
‘Habitantenan mes ta susha nan bario’

ORANJESTAD – E di ocho edicion di Pop Up-Clean
Up a tuma luga den e bario di Zweewijk rond di e mari-
nierskazerne Savaneta. Pa motibo di esaki un gran can-
tidad di mariniernan tambe a participa den e limpiesa
cu a tuma luga recientemente. E organisacion ta con-
stata cu e habitantenan mes ta susha nan bario y taba-
tin diferente dump chikito ilegal.

Esaki ta informacion for di un relato di e organisacion.
Ahata y Fundacion Aruba Limpi a sponsor e materialnan.
Paul Vlaar di e marinierskazerne a acerca Pop Up - Clean
Up pa organisa e limpiesa hunto cu su coleganan cu a duna
tremendo aporte na e causa. Pa esunnan cu no sa, Pop Up-
Clean Up ta un iniciativa di hobennan profesional cu a bin
hunto pa activa comunidad pa tene Aruba limpi door di crea
consciencia, responsabilidad y promove dialogo entre habi-
tantenan, comercio y instancianan gubernamental.

Habitantenan mes ta susha bario
Den un lapso di 3 ora a logra limpia mayoria parti di e mondi
anto yena 15 pa 30 saco completo cu sushi manera boternan,
bleki, saco di plastic y hopi foam box. Tambe a piki 4 televi-
sion, bari di azeta bashi, articulonan di cas etc. Locual cada

biaha ta ripara ta cu generalmente no ta e hendenan di e bario
mes ta contamina e mondinan, pero ta e hendenan cu ta haci
uzo di e caminda na pia of den auto. E biaha aki a bin topa cu
ambos situacion. Den e bario tin un container di sushi dis-
ponibel, cual lastimamente e habitantenan no ta uza, segun e
organisacion. “Sushi ta acumula rond di e container enbes di
den dje. E ta di lamenta cu no a haya boluntario for di e bario
mes pa yuda pa haci nan bario limpi.”

Dump ilegal chikito
Algun area den e bario tabata manera un dump chikito, segun
e organisacion. Nan a haya e sushi patras y rond di un cura
bandona, hopi cerca di caminda. Testigo ta bisa cu trahadonan
di construccion ta come bou di e palo y tiranan sushi riba
vloer of patras di muraya. A bin haya hopi take away foambox
na e sitio aki. Cada biaha Pop Up-Clean Up ta keda sorprendi
cu e mentalidad di hendenan cu ta biba riba nos isla unda ta
pensa cu ta oke pa tira sushi na unda cu ta.
Segun e organisacion: “Por wak cu nan sa cu esaki no ta per-
miti, mirando cu nan ta haci esaki scondi.” Esaki ta e desafio
mas grandi cu Pop Up-Clean Up tin: “cambia e mentalidad
di nos comunidad ora ta trata di tira nan sushi afo.” E meta
di e cleanup ta pa motiva hende pa cuida y laga e mondinan
limpi y conscientisa e hendenan den bario pero tambe henter
Aruba. E idea tambe ta pa e hendenan di e barionan mes keda
mantene e mondinan y confronta esunan cu ta susha. Habi-
tantenan mester sa cu nan por yama polis of City Inspector
ora ripara cu no ta bin cambio den e situacion.

Pa mas informacion riba e actividadnan di Pop Up-Clean Up
y e proximo accion di limpieza, por bishita e Facebookpage di
Pop Up-Clean up. q