Page 43 - ATA 20 MAY 2017

Segun prome minister Eman, prome cu a bay Hulanda, a papia cu un grupo cu ta hopi conoci na Aruba pa nan
trabaonan di pionero riba tereno di aviacion cu siguramente semper a demostra pa por pone un aerolinea riba pia
y naturalmente dentro di e retonan cu tin. E mision na Hulanda den e combersacionnan cu tabata tin cu KLM
tabata pa mira si por interesa KLM pa ta un socio of un of otro manera participa den sea como accionista of den
maneho di un aerolinea cu lo lanta aki na Aruba, pa sirbi e islanan. Durante combersacion cu KLM a mira cu tabata
tin un interes specifico pa maneha un compania asina, si eventualmente tin suficiente accionista pa pone un
compania asina riba pia. E intencion e ora ta pa haya KLM pa forma parti di un proyecto asina caminda cu
Gobierno ta laga KLM haci, mescos cu Schiphol ta haci, e maneho di aeropuerto di Aruba, cu KLM lo haci e ora ey
e maneho di un aerolinea regional asina, cu ta forma parti di accionistanan di Aruba mes.
E proyecto ey ta sinti cu e tin viabilidad, pasobra cu e nomber di KLM, e ta haci’e sigur mas posibel pa bo haya
capital pa inverti den un aerolinea local y ora cu a bin bek for di Hulanda, a papia cu e mesun empresarionan cu ta
conoci na Aruba, como personanan cu sa carga un aerolinea y a informa nan cu KLM tin interes pa forma parti den
e maneho en todo caso di un aerolinea regional pa sirbi e islanan y nan lo tuma e siguiente paso tambe pa
comunica cu KLM y Gobierno lo sigui tambe comunica cu KLM y comunica cu e interesadonan local pa asina por
lanta un compania regional di aviacion cu por bay sirbi e area aki atrobe. Si teniendo cuenta cu tur e motibonan
pa cual tanto Tiara, como Insel Air a haya nan confronta cu retonan grandi, tuma e experiencia ey na
conocemento y despuestraha un plan caminda cu bo por sigura e viabilidad di un aerolinea regional cu tur e
retonan cu tin naturalmente pa e grandura di un aerolinea regional, cu participacion di un KLM maske cu ta den
maneho mes so, ta duna cierto garantia di calidad y di experiencia cu siguramente ta haci un proyecto asina mas
viabel y siguramente mas fuerte.
http://www.24ora.com/index.php?option=com_content&view=article&id=122011:p
rome-minister-mike-eman-klm-tin-interes-pa-forma-parti-den-maneho-di-un-
aerolinea-regional&catid=1:local&Itemid=5

Gobierno ta mira e falta di mas coneccion entre islanan ABC
como uno urgente

Friday, 19 May 2017 19:27
Comparti

Durante e entrevista cu prome minister Mike Eman riba e situacion di aviacion, a splica cu un di e
problemanan cu tin ta cu henter aviacion y su interes pa expande den e region

, hopi biaha tabata motibo tambe cu hopi di e aerolineanan aki nan a cuminsa mas chikito pa sirbi e
islanan y hopi biaha e negoshi ey a cana y ora cu bay mas grandi no na Venezuela so, hopi biaha si un
avion daña of tin complicacion, retraso, e gastonan riba un operacion chikito na momento cu algo asina
sosode ta hopi grandi y esey hopi biaha ta haci mas dificil pa un aerolinea sobrevivi ora cu e ta tuma
responsabilidad pa distancianan largo. Por ta ta mas miho pa cuminsa cu servicio na e islanan y na
caminda ta midi naturalmente unda ta expande, sin cu e risiconan ta bira mucho mas grandi.