Page 16 - ATA NOV 29

Aruba ta e unico destinacion den Caribe cu ta conociendo
caida den turismo

Monday, 28 November 2016 20:12
Comparti

Caribbean Tourism Organization recientemente a publica su rapport di rendimento di turismo den
Caribe pa luna di october, cual ta un compilacion di e situacion di e prome 9 lunanan di aña 2016.
For di 15 destinacion principal cu a raporta nan cifranan pa 2016, Aruba ta e UNICO cu a raporta un
reduccion ora compara e cifranan di yegada di e mesun periodo di aña pasa. Den e prome nuebe lunanan
di 2016, Aruba ta mustrando un caida di 4.2% den yegadanan compara cu e prome nuebe lunanan di
2015.
E islanan Turks & Caicos a mustra e crecemento di mas grandi den yegadanan (yegando 20%), ora
compara cu e mesun prome shete lunanan di 2016, mientras cu Belize a raporta un crecemento di 16%.
Cuba a mira 12% di crecemento den e prome ocho lunanan y Republica Dominicano a mustra 7% di
crecemento den e mesun periodo.
E situacion cu yegadanan for di Merca ta virtualmente mesun cos; Aruba ta mustra un crecemento di
solamente 1.5% den yegadanan Mericano den e prome 9 lunanan di 2016. Un total di 10 destinacion
principal cu ta competencia pa Aruba a mustra un crecemento mas grandi den turista Mericano cu
Aruba, cu yegadanan for di Merca pa Cuba mustrando un crecemento di mas cu 70%. Solamente Corsou
y Puerto Rico a haci menos bon cu Aruba na 2016, unda cu Puerto Rico a sufri un impacto serio pa via di
publicidad negativo relaciona na e virus Zika.
Hotelnan obviamente ta masha preocupa pa e trendnan aki. Aruba ta perdiendo participacion den
mercado y no ta desenbolbiendo manera mester ta. Ta masha preocupante cu asina hopi otro destinacion
ta desaroyando asina mas miho cu nos. Siguramente ta surgi e pregunta si e programanan di mercadeo di
nos isla ta funcionando.
http://www.24ora.com/index.php?option=com_content&view=article&id=116155:aruba-ta-e-unico-
destinacion-den-caribe-cu-ta-conociendo-caida-den-turismo&catid=1:local&Itemid=5

A.T.A. TA LANSA CAMPAÑA YAMANDO DANKI NA PERSONANAN CU TA CONTRIBUI NA UN
ARUBA MAS DUSHI