Page 17 - FDLP
P. 17
Scouting Jamboeree 2019. Nos delegacion tabatin lunanan di preparacion pa e
evento aki y awe nos mester bisa cu nan ta cla y prepara pa enfrenta tur e
aventuranan cu nan lo bai pasa aden durante e evento di Scouting mas grandi
na mundo. Mester bisa cu nan lo bai topa cu representantenan di hopi paisnan
cu tambe ta atendiendo e evento aki y por spera un cantidad di mas cu 40 mil
pa 50 mil hoben y adulto durante e campamento mundial aki. Awemerdia por a
mira e alegria cu cada miembro di nos “contingent” tin riba nan cara pa jega y
forma parti di historia di Scouting mundial. Nos delegacion ta consisti di varios
miembro di diferente grupo scout rond nos isla y nan ta wordo compaña pa
lidernan capacita y alavez HC di Scouting Aruba tabata presente pa deseanan
un bon viahe y tur cos bon na West Virginia. Nos tambe ta desea e delegacion
tur clase di eixito y manera nan ta bisa na Ingles: “Go Make Us Proud!!!”.
