Page 12 - BNDIA ARUBA

a12 riba caya
Diabierna 11 Januari 2019

Auto a bolter cay den mondi pariba di Johnsons

SAN NICOLAS - Diaranson atardi riba Caya Jose Geerman
un chauffeur den un Glanza biniendo for di direccion pabou
tur cu tin, a perde control pa un of otro motibo y a touch un
palo di luz pa despues bolter cay den mondi. E auto a keda
basta kibra pero ningun persona herida.

Van a dal contra palo di luz y kabel a cay riba auto pasando

ORANJESTAD - Na e crusada di Caya Papa Juan Pablo
2 y Dadelstraat a sosode un accidente. Aki ta caminda
unda un chauffeur di un van a perde control y bay dal
contra un palo di luz.

Consecuencia di esaki cu kabel di Setar a cay riba un rav4
cu tabata pasando. Polis di trafico tabata presente, ambulance
a presenta y paramediconan a brinda asistencia na e victima.
Personal di Elmar a duna un man cu e waya cu tabata colga
riba caminda.

Homber agredi pafo di bar a keda herida

SAN NICOLAS – Recien polis a presenta na un bar
situa na Pastoor Hendrickstraat na San Nicolas, pa un
homber cu a cuminsa bringa cu otro y a laga e homber
basta herida.

E homber victima herida a keda atendi pa personal di ambu-
lance, mientras e sospechoso mes a bandona e sitio. Testigo-
nan a indica na polis kende e persona ta.