Page 21 - MIN ON

Marouschka Cornelie di Simar: Hopi hende no sa cu tin
leerplicht

Wednesday, 08 March 2017 13:28
Comparti

Tempo cu a implimenta leerplicht, enseñansa obligatorio, Simar no tabata di acuerdo pa implemente e
momento ey ainda pasobra a sinti cu e condicionnan no tabata cla.

E rangvoorwaarden nan no tabata completo, segun Marouschka Cornelie kende ta forma parti di
directiva di Simar. Respet tin pasobra un gran mayoria di hende sa cu tin ley den leerplicht. Pero cu e ta
wordo respeta, esey si ta algo otro. Bo ta haya hopi mayor cu toch ta pidi pa haci un biahe na momento cu
tin les y maske un cabesante bisa por ehempel cu no ta haya e ok, e personanan ta bay na e bureau y nan
ta haya e ok toch. Tin cabesante of directornan cu nan no ta ni contesta mas, y dal bay. Pasobra si palabra
no tin peso, e ora no tin nut eigenlijk pa haci nada. Tin hopi problema rond di Aruba, hopi problema
social, cu si bay papia di por ehempel boet, pasobra cu e mayor a laga su yiu na cas sin cu el a cumpli cu e
rekisitonan, un carta di dokter, etc. Ta yega un momento cu hendenan no por ni cumpli mas. Loke
mester tuma luga. Segun Cornelie, mester un evaluacion di tur loke ta tumando luga cu tur e partnernan
cu tin di haber cu esaki, directivanan di scol, cabesante, directornan, pa nan duna nan punto di bista,
reevalua y wak unda mester schuif, drecha y reahusta pa yega na un miho sistema pa sostene enseñansa,
segun Marouschka Cornelie. Ley El a sigui splica cu no cu e ley ta funciona, pero e no ta funciona
optimal. E on ta logrando su meta optimal. Esey ta e miho manera pa deskibri’e.

Esnan cu mester move dede, ta esnan cu a bin implimente. Ta nan mester evalua structuralmente y wak
si en berdad cosnan tabata cana manera debe ser. Tin hopi hende cu no sa cu tin leerplicht. Ta wak hende
ta cana cu mucha rond den dia, ora di scol, muchanan di edad cu mester ta den scol. Ta wak cu tin hende
no sa. Cornelie ta kere cu un tiki mas informacion pa publico lo ta structuralmente lo ta un punto cu por
yuda hopi, el a splica. Muchanan mester ta na scol. Si kier ciudadanonan cu mañan dios kier carga e pais,
mester ta educa, esey ta sigur, el a bisa por ultimo.