Page 27 - MIN ON

maart, ora cu e hende muhe a cuminsa cu nan prome strike na New York Merca den e
industria di textiel y paña. E muhernan e tempo ey a strike pa haya ocho ora di trabao
diario, miho condicion di trabao y tambe e derecho di por vota. E stirke aki tabata
cuminsamento di emancipacion di e hende muhe contra discriminacion contra nan. E
fecha aki na Aruba ta ser celebra cu varios actividad tanto pa gobierno como tambe pa
gruponan di hende muhe. Ta trata temanan manera independencia economico pa e
hende muhe, mas derecho pa e hende muhe, abuso sexual, violencia, cuido y labor,
discriminacion y racismo.
Factornan di e hende muhe

 Muher ta forma 50% di habitante riba mundo.
 Muher ta haci 66% di trabao.
 Muher ta gana 10% di entrada di mundo.
 Muher tin 1% di tur pertenencia.
 Lidernan mudial den gobierno 5% ta hende muhe
 Den pobresa rond mundo 75% ta muhe
 Di tur analfabetico rond mundo 66% ta hende muhe.
 Di tur refugiado rond mundo 75% ta hende muhe.
 Den Parlamento di Aruba nos tin varios hende muhe
 E hende muhe ta gana menos den salario cu e hende homber.

Storia di Dia Internacional di hende muhe.
Dia Internacional di Hende muhe a ser yama pa prome biaha door di Clara Zetkin, riba
un conferencia Internacional di Hende muhe na Kopenhagen na aña 1910, unda un
total di 100 muhe y homber for di 17 pais a participa. E conferencia aki sigui despues di
e strike grandi dia 8 di maart 1908 na New York. E añanan cu a sigui varios otro pais a
lanta y riba tur 8 di maart ta demostra y reuni hunto, pero prome guerra mundial a haci
cu e movecion aki a kibra.

Pero den añanan sesenta a lanta e interes den movecionnan femenista pa lanta atrobe
Dia Internacional di Hende Muhe. Den añanan setenta, hopi pais a pone atencion pa
celebra e fecha aki y varios pais socialista a cuminsa celebra oficialmente riba 8 maart .
Na Nacionnan Uni a reconoce e fecha aki. For di e tempo ey aki na Aruba tambe ta
pone atencion riba e dia aki. E intencion ta pa e dia aki di nobo comunidad duna
atencion riba e intencion pa e lucha di e hende muhe y trece esaki dilanti.

Nacionnan Uni, Dia Internacional di hende muhe ta un bon momento pa reflexiona riba
e avancenan logra. Pidi mas cambio y celebra mas cu valentia y e determinacion di e
hende muhe cu ta hunga un un papel clave den historia di su pais y comunidad.

E tema di 2017, pa Dia Internacional di Hende muhe ta, E muher den un mundo laboral
den trasformacion pa un planeta 50-50 na 2030.

E mundo laboral ta den transformación, cu implicacion significante pa e muhe. Di otro
banda, e globalizacion y e revolucion digital y tecnolgia ta crea oportunidadnan nobo, y