Page 55 - ATA

Durante fin di siman mester a papia di un caos na Argentina. E moneda a cay.
Argentina ta den un problema serio, mientras e candidato presidencial opositor di Macri
ta nenga cu e lo sigui cu un rumbo radical aunke e tin e ex Presidente iskierdista como
su partner.

Ayera e Ministro di Financia a renuncia. El a splica Macri den un carta cu el a entrega su
mes na su tarea y a yuda baha gastamento di placa di pueblo.

“Nos tambe a comete eror,” el a bisa. Su palabranan mas significante tabata cu e ta
scucha loke pueblo ta bisa y ta actua a base di esaki.

Asina el a subraya cu pueblo ta haya loke pueblo kier, denunciando e desastre cu e

posibel regreso di socialismo lo nifica pa Argentina.

Mientras Fernandez ta sigura pueblo cu e no mescos cu e gobernantenan socialista cu el

a sirbi y cu cual hasta el a uni su mes pa haya victoria, Argentina prome cu el a vota ta
sinti e peso di un economia afecta pa salida di inversionistanan cu no ta tuma mas
riesgo na pais socialista.

Aruba lo mester keda en espera di desaroyo pa mira kico Argentina lo produci como

mercado turistico. Por lo pronto sigur e lo no yuda reemplasa Venezuela, manera
DIARIO a adverti.

https://www.diario.aw/2019/08/un-mercado-turistico-di-aruba-ta-den-agonia/