Page 13 - ARUBA BANK

Esaki no solamente ta e resultado di e esfuerso di funcionarionan di Departamento di

Impuesto, pero tambe di e clientenan cu ta cumpli cu nan deber nan fiscal. Loke DIMP

kier yega na dje, ta un pago voluntario di impuesto y no un pago obligatorio.

Naturalmente tin ley vigente cu ta determina kico tin cu sosode na momento cu un cliente

no paga of entrega su aangifte manera mester ta, pero kier yega na un sistema caminda e

cliente ta tuma su obligacion di impuesto na serio y ta cumpli cu esaki na tempo pa asina

evita cobranza nan adicional of boet. Kier yega na un nivel caminda cu e deber pa cumpli

cu e impuesto nan rekeri ta uno di importancia mecos ora ta trata pago di otro gasto nan

di operacion.

DEN CONTROL

Ta importante pa menciona cu inversionnan haci den sistemanan automatisa, ta pone cu e

departamento por ta mas den control di “non-compliance”. Esnan cu no ta cumpli manera

mester ta cu e pago di e impuesto ora ta trata por ehempel pago di Loonbelasting, BBO y

otro tiponan di belasting cu tin cu wordo entrega tur luna, lo bay hanja di un manera

structura un cobranza adicional cu un boet pa e conducta aki. E cifranan tin biaha ta

espantoso ora cu mira cu pa luna tin sigur un 10 mil naheffingen cu lo sali, pa

companianan cu no a cumpli cu entregamento di nan aangifte y/of pago di impuesto.

ORA UN NEGOSHI NO TA ACTIVO MAS

Na momento cu un negoshi no ta activo mas, lo mester cana e caminda stipula pa cera

esaki oficialmente na Camara di Comercio y na Departamento di Impuesto . Si no haci
esaki e negoshi ta keda activo den e sistema di DIMP y consecuentemente ta haya su

formulario nan di Loonbelasting y BBO uitgereikt, pasobra DIMP no a wordo poni na

altura cu e negoshi no ta mas den operacion. Na momento cu e compania aki no entrega e