Page 2 - AWEMAINTA
P. 2
2 AWEMainta Diahuebs, 11 April 2019
Di repente
A resurgi investigacion di portofon perdi
DEN oranan di madruga pa mainta, Landsrecherche y Ministerio
Publico a tira dos inval y a detene dos persona relaciona cu in-
vestigacion di portofon policial perdi.
Un di e personanan deteni ta un funcionario policial, kende tin
un relacion di amistad di añanan atras cu famia di un di e peri-
odistanan deteni aña pasa di e website Aruba Native. Pa casu-
alidad despues di e inval ey, a bay na un cas na Dakota cu ta di
suegra di un di e doñonan di Aruba Native, unda cu a bay cu un
ruman di dje deteni.
Segun por a compronde, OM a puntra pa celular, laptop y e por-
tofon cu supuestamente ta perdi y no sa unda cu e ta.
Loke cu a hala atencion ta cu e caso aki a keda manera perdi pa
basta luna. Di repente despues di un denuncia haci na SIP, So-
ciedad Interamericana di Prensa, door di Marko Espinoza, kende
tambe a wordo deteni aña pasa, OM y Landsrecherche a lanta
bek of a wordo lanta pa investiga atrobe e portofon perdi cu nan
no por haya ningun caminda. Mesora ta surgi e pensamento cu
ta pasobra e denuncia a wordo haci, a dicidi di cuminsa persigui
hende atrobe y e biaha aki haci di un forma indirecta pa afecta
e periodistanan, den e caso aki famia di e doño di Aruba Native.
Den e investigacion cu a tuma luga aña pasa a detene Marko
Espinoza y e pareha doño di Aruba Native y despues a detene
Nelson Speed Andrade.
