Page 8 - AWEMAINTA

8 AWEMainta Diahuebs, 11 April 2019

Alan Howell pidiendo

atencion di Gobierno p’e ex

EPB dependance San Nicolas

Parlamentario di POR, Alan Howell a indica den tono preocupa cu
habitantenan cu ta biba den cercania di ex EPB dependance San

Nicolas a acerke cu un preocupacion cu ta reina den e area aki pa

loke t’e situacion deplorabel cu tin n’e ruinanan di e scol.
El a duna di conoce cu e ruina aki no ta solamente mahos bista, pero

tambe a bira un chollerhouse y lugar pa ladronnan sconde.

Banda di esaki, ta hopi doloroso p’e ex studiante y ex maestronan pa

wak e skol bay perdi asina. Den e cuadro aki, Alan Howell a recorda
cu su tata tambe tabata e Director adhunto di EPB dependance San

Nicolas y e tabata haci semper su maximo esfuerso p’e skol ta den e

mihor condicion cu ta posibel y ta tristo pa mira con e ta awor.

“Mi ta bay haci un peticion na Gobierno y Minister
Otmar Oduber, pa sea traha algo util bek of pa bashe

abou y ruim e op. Un idea cu mi tin ta pa traha un
bunita speeltuin p’e muchanan di e bario.

Keda pendiente! Together We Can Make It Better”,

Alan Howell a finalisa.

OM por subi cuenta di

Telegram di sospechoso

Tin un caso andando na Hulanda unda cu Corte a dicidi of a duna

permiso na Ministerio Publico pa subi riba un cuenta cu un sos-
pechoso tin riba Telegram, cu ta un di e programanan di chat mas
sigur na mundo.

E persona ta wordo sospecha di fraude electrónico, hortando placa
via internet di clientenan di entre otro ING, Rabobank y Vodafone.

Via sms e hendenan ta wordo convenci pa subi un website falso y e
sospechoso ta haya nan datonan.

Nan ta kere cu el a comunica cu e hendenan via di Telegram y OM
kier haya datonan di su cuenta riba Telegram, e mensahenan bieu,

pero Telegram no ta coopera cu esaki pa duna datonan di e usuari-
onan. E mensahenan aki normalmente por wordo mira solamente
door di esun cu a mande y esun cu a ricibie.

Hues a bisa cu si nan logra subi e cuenta riba Telegram por coy sola-
mente dato di e fecha di investigacion.