Page 1 - AWEMAINTA

Nos frontera ta bon cuida

ASINA MES TIN ALGUN

PERSONA KIER DRENTA

ILEGALMENTE ARUBA

Total di 7 indocumenta a keda deteni

Mei 11, 2017
www.awemainta.com
www.facebook.com/awemainta
noticia@awemainta.com
583-1400

GUARDACOSTA di Caribe Hulandes, (KWCARIB)
diamars anochi, dia 9 mei ultimo a intercepta un boto
cu 7 persona indocumenta y nan tur a keda deteni ora
cu nan kier a drenta Aruba.
Tabata diamars anochi rond di 22.40, e radar di Centro
di Coordinacion y Rescate di Guardacosta a detecta un
movemento sospechoso pazuid di Baby Beach, Aruba.

Di biaha a manda dos unidad di Super-RHIB for di
e punto di sosten di Guardacosta na Aruba den nan
direccion.
Na como 2 miya y mei zuid di Baby Beach, nan a bin
haya un boto sin ningun clase di iluminacion, typo yola.
Nan a ser trece bordo di e Super-RHIB, cu ayudo di e
personal, unda a constata cu ta trata di 7 persona, sin
ningun clase di documento di residencia.

E boto a ser hiba p’e punto di sosten na Savaneta,
mientras cu tur e ocupantenan, 5 Venezolano, un Ec-
uadoriano y un Colombiano a ser traspasa pa Warda
Nos Costa, kendenan hunto cu Guardacosta lo sigui cu
e investigacion.
E capitan di e boto a keda deteni y entrega na autori-
dadnan local, mientras cu e boto a ser tuma den beslag.

Douaneronan na Aeropuerto

cu sosten di empleadonan di

Imigracion a tene accion di protesta

Continua na pagina 3