Page 6 - LOTTO JAN 12

AWEMainta Diahuebs, 12 Januari 2017 17

Cu ayudo di Lotto

Warm- Up Triathlon
Warm- Up Triathlon

lo bira e prome actividad di
lo bira e prome actividad di

Aruba Triathlon Association
Aruba Triathlon Association

DIADOMINGO 22 di januari proximo, Aruba Triathlon
Association lo organisa su prome actividad pa loke t’e calendario
deportivo di aña 2017.
Despues di a conoce un aña deportivo satisfactorio, e Federa-
cion di Triatlon lo habri e aña 2017 cu un Warm up Sprint
Triathlon pa tur e fiel amantenan di e deporte endurance.
E actividad di Warm-up Sprint Triathlon lo inicia pa 7or di
mainta na Boca Catalina unda cu por spera un cantidad grandi
di competidor den tur edad y categoria y asina engrandece e
prome actividad di aña 2017.

Por competi den e categorianan di mucha, junior y adulto,
por participa Individual of den Team di Relevo. E distancia
cu lo wordo recori ta como lo siguiente mucha te cu 14 aña
a landa 375m, core bais 10km y core na pia 2.5km, mientras
den Junior/Adulto esaki lo ta landa 750m, core bais 20km y
core na pia 5km.
E deporte di triatlon a conoce un aña deportivo 2016 satisfac-
torio cu hopi actividad organisa pa nan miembronan y sigur
tambe un Aruba International Triathlon cu a haya hopi acogida.
Riba e calendario di actividad di 2017 nos por mira atrobe un
gran cantidad di actividad manera triatlon, duathlon, sprint
triatlon, kids triatlon y off road triatlon sin lubida e compe-
tencianan cu lo wordo bishita den exterior.

Un danki sigur na Lotto, e Loteria di Aruba pa medio di Comis-
ion di Subsidio cu a subsidia e prome evento di Aruba Triathlon
Association cu ta e Warm-up Sprint Traithlon.