Page 21 - DIMP

AHATA: Mayoria trahado hotelero ta

local y 3% tin salario minimo

Posted on 05/26/2019 7:49 pm AST | Updated on 05/26/2019 7:52 pm AST

ORANJESTAD - Mayoria trahado hotelero ta local y 3% ta gana salario minimo cu tips.
Asina Aruba Hotel & Tourism Association (AHATA) a informa den un comunicado den
fin di siman. Segun AHATA, nan ta nota cu tin percepcion incorecto den comunidad en
cuanto empleo den sector hotelero. E informacion incorecto ta causa conclusion negativo
cual por descurasha ciudadanonan cualifica pa traha den sector di hospitalidad.
Consecuentemente, servicio ta sufri y eventualmente e reputacion di nos isla tambe. E
falta di interes pa e trabou di localnan cu ta candidato ideal, pa motibo di nan hospitalidad
y conocemento di diferente idioma, ta causa e necesidad pa yena e cuponan cu
imigrantenan cu ta rekeri permiso pa traha.

AHATA ta enfatisa e importancia di un discusion riba empleo den sector hotelero basa
riba data real en bes di anecdota of redo. Hotel y Timeshare miembro di AHATA ta
comparti informacion cu e asociacion pa asina garantisa publicacion di data correcto y na
un forma consolida.

E recopilacion di data mas recien di AHATA ta un estudio di Manpower (Empleo) bou
di su miembronan hotelero y timeshare. E 22 hotelnan den e estudio ta representa 7,155