Page 3 - SJA

AWEMainta Diasabra, 25 Februari 2017 17

Riba peticion di Gabinete Mike Eman II

Goldman Properties mirando e potencial cu

Oranjestad tin pa bira e proximo Soho of Wynnwood

CU e proposito di familiarisa cu e vision
di Gabinete Mike Eman II pa renobacion
di Oranjestad y tambe pa wak cu su mesun
wowo kico t’e ambiente y potencial den
nos cayanan, a invita Jessica Goldman y
Joseph Furst di Goldman Properties pa
cana diarazon mainta rond di Oranjestad.
E recorido aki tabata guia pa arkitecto
Arubiano ir. Raffy Kock, kende a splica
tocante e historia di areanan manera Ran-
cho, Waf y Lagoen, entre otro.

Tambe a papia di e deseonan cu Gobierno
tin pa wak henter e region aki di nos isla
conoce un renacemento estilo Wynnwood
na Miami, caminda ta crea un colabora-
cion mas fuerte entre comercio, arte y
residentenan.
E iniciativa pa crea un aliansa cu Goldman
Properties y Wynnwood, BID ta uno cu
ta bin for di Prome Minister Mike Eman.
Dos aña pasa e mandatario a bishita e
districto ‘en vogue’ di Miami y a extende
un invitacion pa bin Aruba y wak e po-
sibilidad di haci mescos na Oranjestad y
San Nicolas.

For di e tempo ey Oficina di Inovacion,
bou direccion di Premier Eman ta den
contacto cu Goldman y a coordina e
bishita na Aruba di e siman aki.
Adicional n’e recorido, Jessica y Joseph
a tene un sesion di ‘brainstorming’ cu
Minister President Eman y Minister di
Asunto Economico, drs. Richard Arends
compaña pa nan respectivo ekiponan di
trabou. Aki a analisa e situacion y evalua
opcionnan.

Den parti di atardi a organisa un presen-
tacion na sede di Oficina di Inovacion
na Kruisweg caminda a invita represent-
antenan di sector bancario y comercial,
como tambe e mentenan empresarial
hoben pa tende con e proceso ta y kico
ta necesario di cada stakeholder.
Na final, e audiencia tabata masha motiva
y a manifesta nan boluntad pa cuminsa
traha, pasobra nan ta wak cu loke a sos-
ode na Soho, New York y na Wynnwood,
Miami; por bira un realidad na Oranjestad
tambe.
Continuacion di e esfuerzonan aki ta den
man di Oficina di Inovacion.