Page 9 - AWEMAINTA

AWEMainta Dialuna, 24 April 2017 9

Tres auto envolvi

den accidente

na Paradera

DIADOMINGO merdia, alrededor di 2’or, un
accidente a sosode riba caminda pariba di rotonde di
Paradera, caminda un auto Nissan Sentra A-19249
cu tabata bayendo direccion Piedra Plat no a mira cu
un auto KIA A-20642 a para su dilanti y a dal su tras.
Na su turno e Kia a bay dal tras di un auto Mitsubishi
Lancer A-6069 cu tabata bay lora na man robes. E
dama ocupante di e Kia a keda herida, pa cual a pidi
asistencia di ambulance pa atende cu ne. E Sentra a
keda cu hopi daño material.