Page 34 - FDLP
P. 34
E aña aki, ta e prome aña cu Aruba a participa. E ekipo di Aruba a consisti di Anne
Hoogendam (46), Dominique (90), Sander Castro (118) y liderando su ekipo, Aksel
Samardzic (14).
E wega nan a cuminsa ya desde 7 di augustus, cu e prome ronde. Aruba, tumando na
cuenta cu ta nan prome biaha, contando e punto nan di ranking individual di cada
hungador, a cuminsa na ranking number 18. Pa loke ta 2018, un total di 25 pais a
participa, di cual Aruba y South Africa tabata nan prome participacion na e evento magno
aki. Mester menciona cu esaki ta nivel di professional pero cu tambe tin e parti di
hubenil, cu ta participa den e mundial. Aña pasa Venezuela a sorpresa tur hende y a gana
e titulo aki. Riba e nivel di pro, semper esaki a wordo disputa entre e 4 grandi nan, Italia,
Russia, Francia y Brazil. E campeon nan di aña pasa tabata Italia y na di dos lugar Russia.
Nos sigur ta hopi orguyoso di e ekipo di Aruba, kende tabata tin e curashi di bataya entre
pais nan grandi, na un pais, esta Russia, cu no ta ta un tereno conoci pa hopi. Despues di
a venci den nan e prome wega contra Estonia, nan ta sigi automaticamente pa e ronde di
consolation y akiden lo a bataya pa keda entre e posicion 9-16. Despues di e topa contra
Cyprus, Venezuela y Latvia, nos ekipo nacional ta termina na di 12 lugar. Sigur un bon
prestacion pa nan prome biaha entre un cantidad di 24 ekipo.
