Page 11 - WEB

Cu e boto cu ta move riba energia solar, e intencion ta pa participa den zomer venidero
den The Offshore Challenge Monaco”, campeonato mundial pa botonan solar, gana y
kibra record mundial.

Giovanni despues di a termina Colegio Arubiano a cuminza su estudio “Luchtvaart- en
Ruimtevaarttechniek” na Delft.

E aña aki den su tempo liber e ta fortifica e equipo TU Delft Solar Boat Team cu ta

consisti di un grupo di 26 studiante di 10 diferente facultad di TU Delft. Banda di su
estudio Giovanni ta traha cu e equipo den diseña y construi un boto cu ta nabega
completamente riba energia solar .

Giovanni ta ocupa cu adkisicionnan di e boto. Materialnan, placa y otro medionan
naturalmente ta esencial pa construccion di un boto solar.

E foto ta mustra e boto cu a participa den competencia na Monaco na juli e aña aki. Pa

The Offshore Challenge esaki ta significa cu mester tene cuenta cu situacionnan
completamente nobo, manera olanan grandi, biento masha pisa y distancianan largo
for di costa.

E competencia ta consisti di varios parti variando di etapanan di 30 te 93 kilometer di
Monaco pa Cannes na Francia y e cruzamento pa bay Italia.

Pa gana e competencia mester percura pa e tempo mas rapido y ta un reto masha

grandi como cu mester competi cu empresanan y particulirnan.

E equipo tin cu haci uso mihor posibel cu tecnicanan nobo inovativo y haci tur cos pa
por gana. E intencion ta tambe pa kibra record mundial e aña venidero como e boto

solar mas rapido cu a cruza e canal britanico. Fin di juli e boto solar lo trata na cruza e
lama entre Calais y Dover den tempo record.

https://www.diario.aw/2018/10/arubiano-trahando-boto-solar-pa-tu-delft/