Page 8 - ARUBA AIRLINES

Tin di nan cu ya for di 5’or y mey di mainta diadomingo tabata para na aeropuerto pa

check-in, pa asina sali cu e vuelo di Insel Air 401 pa Aruba. E vuelo aki cu mester a sali

7’or y 40 di mainta, a sali pasa di 9’or di anochi, pero ariba e avion di Aruba Airlines.

Como 15 ora di retraso. E otro vuelonan 403, 407, etc., tur a wordo cancela y un cantidad

di Arubiano a keda pega na Corsou.

Ademas di esey mester bisa cu e vuelonan di Aruba Airlines no tabata tin espacio pa

acomoda ningun pasahero di Insel, pasobra, nan tabata full yen cu e pasaheronan cu a bay
North Sea jazz y cu mester a bolbe Aruba diadomingo.

E tabata un problema serio. E hendenan a keda for di mainta te cu anochi. E unico vuelo

cu nan a logra trece pasaheronan di Insel Air tabata esnan riba e vuelo 401, cu mester a

sali 7’or y 40, nan a sali pasa di 9’or di anochi riba e avion di Aruba Airlines, cu a wordo

gehuur pa Insel pa bin trece e pasaheronan aki. Tur e otro vuelonan cu mester a bin

Aruba, a wordo cancela. Nan tin problema cu nan avionnan. Vuelonan pa St. Maarten

tambe a wordo cancela. Vuelonan pa Boneiro di Insel, tur e vuelonan ey, Insel no por a

sigui cu nan, pasobra nan tabata depende riba solamente un of mas avion fokker 50 cu

nan ta bula cun’e. Tabata hopi problema y mal contento. Pasaheronan a haya voucher pa

come, pero e situacion no tabata facil. Hopi Arubiano a keda pega y nan ta hopi rabia.

Awor aki tin cu sinta warda pa mira ki solucion lo bay bin cun’e pa asina trece e
Arubianonan bek cas.

https://24ora.com/vuelonan-di-insel-air-cu-a-cancela-a-perhudica-hopi-

arubiano-na-corsou/