Page 11 - AHATA

AWEMainta Diamars, 14 Februari 2017 23

Divi Resorts ta sostene e

prohibicion di saconan di plastic NA 2016, Gobierno di Aruba a dicidi pa introduci

regulacionnan nobo cu ta prohibi e uso di saconan di
plastic cu ta crea pa wordo uza solamente un biaha y

djey tira afo.
E ley nobo aki, cu a drenta den vigor riba dia 1 di
januari, 2017, a wordo diseña pa minimalisa e impacto
negativo grandi di saconan di plastic indesea riba nos
medio ambiente.

E Aruba Hotel and Tourism Association y su Comision
di Medio Ambiente a duna nan sosten completo n’e
campaña di concientisacion cu a wordo organisa pa
Plastic Bag Ban Aruba cual tabata diseña pa informa
e publico tocante e detayes di e prohibicion.

Pa por yuda sostene e ley aki, miembronan di e AHA-
TA a dicidi di crea saconan re-usable cu por wordo
cumpra pa un bon prijs for di miembronan cu di nan
turno ta haci e saconan obtenible pa nan huesped y
empleadonan.

Riba nos portretnan por mira Divi Resorts den sos-
ten completo di e ley nobo, distribuyendo e saconan
re-usable grandi atractivo, cu nan diseño di blachi di
mata, representando nos medio ambiente, entre em-
pleadonan di Divi y Tamarijn All Inclusive Resorts, ya
cu e preservacion di e isla su naturalesa ta di suma im-
portancia p’e exito di e industria local di hospitalidad.