Page 38 - MIN ARENDS

Varios aerolinea ta interesa pa bula e ruta di Insel Air

Wednesday, 08 February 2017 20:04
Comparti

Tin di compronde cu tin companianan di aviacion cu ta bulando local cu lo a acerca minister
Mike de Meza.

Tin compania cu ta bulando den e area, cu ta interesa pa cuminsa bula e ruta aki caba. A mira
esaki. E kehonan den pueblo ta cu e ticketnan ta caro pa bula cu Insel Air.

Minister de Meza a splica cu tin diferente aerolinea cu a tuma contacto cu Gobierno. Tin Aruba
Airlines mes cu a bisa cu nan por expande nan operacion si acaso tin e necesidad ey, pasobra
ta parti di nan plan pa futuro. A wordo acerca pa Aserca mes. Tin Avianca tambe y pronto lo tin
un aerolinea cu nan. Staatssecretaris mes kier discuti cu minister di Corsou y e mandatario
local y wak con Hulanda por yuda den esaki. Ki rol un KLM of otronan por hunga den esaki,
pasobra na fin di dia e conexion aereo entre e islanan Hulandes den Caribe, ta importante. Di
parti di Hulanda tambe ta mustra interes pa asisti Aruba cu Corsou, Boneiro y St. Maarten den
esaki. Tin cu bisa cu automaticamente Saba y Statia tambe ta cay den dje. Tin diferente opcion
cu ta bezig ta analisando, riba diferente nivel y hasta riba e nivelnan di mas halto entre
Gobierno di Corsou, Gobierno di Aruba y Gobierno di Hulanda tambe, minister de Meza a
splica.