Page 29 - HOH

consecuencianan di e nivel di costo di bida den cual na final e consumidor ta hay’e cu e ta

bay paga e prijs aki pa motibo cu un cantidad di empresa ta bay traduci mesora e aumento

di costo di bida den prijs di productonan cu bo ta bay cumpra riba sea den supermercado,

den tienda, etc.

Anselmo Pontilius a splica finalmente cu ta hopi importante specialmente tanto dunador

di trabou y sindicatonan y gobierno, no solamente pone riba papel, sino fiha un agenda

hopi profundo con ta bay atende cu e diferente situacionnan aki. Control, por ehempel na

pia di trabao. Cumplimento di ley ta hopi importante pa nos pais. Pero mas cu tur cos, e

puntonan principal critico, entre otro, cual ta nivel di costo di bida, haya atencion pa cual

e problemanan social ta wordo combina cu nan, haya e atencion debido, ya cu ningun

gobierno, ningun sindicato of dunado di trabao su so, lo por atende e tipo problemanan di
caracter nacional aki cu nos ta bay confronta.

E ta situacionnan cu mester di atencion sigur. Logico, den dje bo tin e situacion den cual

con ta sigui atende cu empleo pa esnan cu ta desemplea. Yama e grupo di hobennan, con

bin nan ta desemplea, si toch ta mira cu den medionan di comunicacion ta wordo publica
cu tin cuponan di trabao habri.

Con ta bay atende cu esaki. Mester ta un di e cantidad di prioridadnan pa percura, no

solamente esnan hoben, pero e otronan tambe cu ta sin trabao, toch ta drenta den proceso

laboral, segun Pontilius.

https://24ora.com/mediador-di-gobierno-tin-su-perspectiva-pa-2019/