Page 17 - MIN.VOS 4 MRCH 2017

deporte Diasabra 4 Maart 2017
19

COPAL y comite di PASO a reuni riba

Weganan Panamericano Lima 2019

ORANJESTAD - COPAL a tene reunion cu PASO su comite encarga cu coordina-
cion cu a inclui un bishita na e Villa Panamericano na Peru.
E reunionnan a tuma luga diasabra, diadomingo y dialuna cu presencia di e presidente y direc-
tor ehecutivo di Lima 2019, Carlos Neuhaus Tudela. Carlos Neuhaus Tudela, president di
comite organisado y director ehecutivo di e proyecto special di Weganan Panamericano Lima
2019 y Weganan Parapan Americano hunto cu su team a reuni cu comite di coordinacion di e
Pan American Sports Organisation durante nan bishita na Lima weekend cu a pasa.

Neuhaus a tene reunionnan extensivo cu miembronan di PASO su comite di organisacion:
Keith Joseph, Jimena Saldaña, Ivar Sisniega, Nicole Hoevertsz, Veda Bruno Victor, Roberto
Kenny, Michel Fennell, Allian Pompey, Ricardo Probert y Leticia Kawasaki, cu a inclui un
bishita na e sitio unda e Pan American Village na Villa El Salvador lo wordo construi.

Representantenan di PASO a reuni diadomingo mainta na Westin Hotel San Isodoro cu e
representantenan di marketing y broadcasting y durante merdia nan a bishita e sitio unda e
Pan American Village lo wordo construi. E reunion a continua riba diadomingo cu e repre-
sentantenan di infrastructura, tecnologia, comunicacion, transporte y e team di siguridad. Riba
dialuna e reunionnan a continua cu deporte, venue management, servicio medico y anti dop-
ing, relacionnan internacional y comite protoculario.

Atleta Olimpico, Ricardo Duarte y presidente di instituto deportivo Peruano Oscar Fernández
tambe tabata presente na e reunionnan aki. Durante e tres dianan di reunion, Neuhaus y su
miembronan di comite a tuma e oportunidad pa aclaria tur e preocupacion nan trece pa dilanti
pe representantenan di PASO.
Brazil a anuncia team pe eliminatorio mundial

RIO DE JANEIRO, Brazil (AP) - E convocatorio di Diego y Diego Souza ta e
novedadnan principal di e team cu a wordo anuncia ayera pe tecnico Tite pa e
siguiente dos wega pe eliminatorio Sur Americano, den cual Brazil por sigura su
ticket pe Mundial di Rusia.
Diego Souza, di e club Brasilero Sport di Recife, y Diego, di Flamengo, a hunga na januari
den un wega amistoso contra Colombia na beneficio di e victimanan di e accidente aereo
cu a afecta e club Chapecoense.
Souza, di 31 aña, a wordo convoca apenas pa di tres biaha den su careda pe seleccion,
mientras cu Diego di 32, ta bin bek despues di a wordo convoca e decada anterior.
Brazil ta na cabe di e eliminatorio Sur Americano cu 27 punto, cuater mas cu e di dos cu
ta Uruguay y shete mas cu Ecuador y Chile. Brazil por seya su clasificacion pe Mundial
ora cu e bishita Uruguay dia 23 di maart proximo, of den e wega cinco dia despues como
local contra Paraguay.
Tite no lo conta cu su super strea, e delantero Gabriel Jesus, kende a fractura un pia cu
Manchester City.
Team ta forma pa:
Keeper: Alisson (Roma, Italia), Weverton (Atlético Parananese), Ederson (Benfica, Por-
tugal).
Defensa: Marquinhos (PSG, Francia), Thiago Silva (PSG), Miranda (Inter, Italia), Gil
(Shandong Luneng, China), Daniel Alves (Juventus, Italia), Fagner (Corinthians), Mar-
celo (Real Madrid, España), Filipe Luis (Atlético de Madrid, Spaña).
Medio campo: Casemiro (Real Madrid), Fernandinho (Manchester City, Inglatera), Pau-
linho (Guangzhou Evergrande, China), Giuliano (Zenit, Rusia), Renato Augusto (Bei-
jing Guoan, China), Diego (Flamengo), Philippe Coutinho (Liverpool, Inglatera), Willian
(Chelsea, Inglatera).Delantero: Neymar (Barcelona, Spaña), Douglas Costa (Bayern Mu-
nich, Alemania), Roberto Firmino (Liverpool), Diego Souza (Sport).