Page 25 - AWEMAINTA

Diabierna, 28 September 2018 AWEMainta
Ela sinta mas detenshon preventivo ku e kastigu mes
Hustisia mester paga èks detenido kompensashon
WILLEMSTAD. Sa sosodé ku Hustisia ta hustu ora
órganonan di Hustisia kometé fayo manera tabata e
kaso di un prezu ku a sinta 11 dia más di detenshon
preventivo ku e kastigu real mes tabata.
Pa kolmo ela pasa un gran parti dje kastigu den sèlnan
polisial dje kadena hudisial na Kòrsou i esei tambe ta
meritá pa konta ku ela sinta muchu mas kastigu ku e
sentensia mes tabata.
Por lo tantu Korte di Hustisia Komun a
disidi ku Ministerio di Hustisia tin ku
paga e prezu ku mientras tantu ta
liber un suma di 75 florin pa kada dia
ku ela sinta di más.
E por a pasa na lokèt di Ministerio di Hustisia pa kobra
su 825 florin. Praktikamente ela hunga un ‘sam’ inbol-
untariamente i na final a haña un tiki ‘zakgeld’.
Pago dje daño perwisio a sosode pasobra tabata hustu i
rasonabel pa Estado paga parsialmente pe eror di a laga
e homber será mas tantu ku su kastigu tabata.
Mr. R.S.M. Moeniralam a representá e èks presu di 53
aña.
E èks prezu no a haña e daño perwisio kompleto ku ela
pidi originalmente ku tabata 1350 florin.
Ela pidi tambe pa Ministerio di Hustisia paga salario di
su abogado.
Dia 11 di september sala di korte a trata e petishon i a
tuma desishon ku e homber tin ku haña daño perwisio.
Por sierto ku e homber mes no a presentá pa tratamen-
tu dje kaso ounke no a hasi diferensia pasobra su abo-
gado a representé debidamente.
E KASO MES
Aña pasá dia 23 di september polis a arestá e homber
riba sospecho di robo i kiebro.
Tres luna despues Korte a trata su kaso i a kondené na
un kastigu di 150 dia inkondishonal kitando e tempu
ku ela pasa den detenshon preventivo.
Komo ku ela kometé e robo i kiebro den su periodo di
prueba pa un anterior delito pa kual e mester a sinta
tres luna, a konopá e dos kastigunan na otro.
Corsou 25
E ladron a apelá su sentensia den promé instansia i wes
a baha su kastigu inkondishonal na 122 dia (e tabata
150 dia) kitando e dianan di detenshon preventivo.
Pa regla e prezu mester a sali liber
dia 23 di aprel dje aña’ki pero un
kaminda e ‘telraam’ di sea prizon
of di Ministerio Publiko a ‘haña virus’
i no a ripara ku ya ela kaba
di sinta su kastigu legal.
Ela kaba di sinta kastigu dia 23 di aprel ultimo i dia 4
meinan a lag’é den libertat.No por papia ku aki tabatin
violashon di norma ni lei pasobra ora un wes-komisario
dekretá detenshon prevenetivo, e no por premirá ku e
kastigu final por ta menos ku e detenshon preventivo.
I dado kaso ku esei sosode, den lei tin provishon pa
Estado paga daño perwisio.
Di otro banda lei ta bisa ku ora Hustisia sera un hende
i esaki sufri un daño inhustu pe forma ku Estado a
kumpli ku su funshon, e siudadano mes ta responsabel
pa esaki den promé instansha.
Solamente den kaso kaminda ta hustu i rasonabel pa
Estado paga parti dje daño perwisio, Korte di Hustisia
Komun tin outoridat pa dekretá un pago di daño i per-
wisio. Tabata Prokurador General kende a pidi sala di
korte pa no konsedé pago di 1350 florin sino 75 florin
pa kada un dje 11 di nan ku e tabata prezu inhusta-
mente.