Page 6 - AWEMAINTA

6 AWEMainta Dialuna, 10 December 2018

Loveislove a wordo celebra na T.H. Palm & Company su di 4 Rainbow Night

T.H. Palm & Company, un boutique gusta pa local como pa turista,
orguyosamente a organisa su di 4 Rainbow Night anual, diahuebs

7 di December ultimo. Cu e tema “Love is love”, e evento alegre a

duna bon bini n’e miembronan di e comunidad local pa participa
n’e entregamento di e fondonan recauda pa T.H. Palm & Company

y su otro boutiquenan n’e varios fundacionnan di e isla, ademas di

celebra e comunidad LGBTQ di nos isla.
Mas cu claro, e anochi a brinda e invitadonan e oportunidad di so-

cialisa, mientras nan ta disfruta di algun cocktails, biña y snacks y

tanten ta admira e seleccion encantador di regalo di e emporio den
bispera di e temporada navideño.

Durante mas di 10 aña, atrabes di e programa di recaudacion di

fondo Tikkun Olam (Reparacion di mundo), e tiendanan di The

Salamander Group — T.H. Palm & Company, The Lazy Lizard, The
Juggling Fish y The Juggling Fish Swimwear a apoya varios funda-

cion local cu ta traha incansablemente pa haci Aruba un mihor isla
diariamente.

E cumpradornan ta hunga un rol importante den e programa ya cu

nan ta duna nan e oportunidad na momento di paga pa scoge cua di
e 7 diferente fundacionnan di nos isla lo ricibi un porcentahe di nan

compra, generosamente duna pa The Salamander Group.

Rainbow Night ta sirbi como e culminacion anual di e programa,

caminda cada fundacion ta wordo reconoci individualmente y pre-

senta cu un check. Jodi Tobman, Directora General di The Salaman-
der Group, a invita varios di esnan presente na Rainbow Night pa

entrega un check, y cada presentador di check a agrega nan propio
palabranan di gradicimento.

E beneficiarionan di e programa di 2018 tabata Bon Nochi Drumi
Dushi, Telefon Pa Hubentud, Mary Joan Foundation, Fundacion Pa

Hende Muher den Dificultad, Fundacion Autismo Aruba, Funda-
cion Konigin Wilhelmina y Ateliers ‘89.

E tema di e anochi “Love is love” tambe a wordo extendi n’e comu-

nidad LGBTQ di nos isla.

Dos aña despues cu Aruba a pasa e ley di partnership di e mesun

sexo, e comunidad local di LGBTQ ta sigui lucha p’e aceptacion y
tolerancia, y T.H. Palm & Company cu orguyo ta respalda e esfuer-

sonan aki.

“Rainbow Night tin di haber cu reconoce e comunidad cu ainda

ta lucha pa habri mente y curazonnan na nos isla pa nan por tin
derechonan igual pa tur”, Jodi Tobman a splica.