Page 32 - HOH

Dept di Radiologia temporalmente ta

atende casonan di urgencia so

Posted on 06/6/2019 3:14 pm AST | Updated on 06/6/2019 3:15 pm AST

ORANJESTAD - Ya pa basta tempo empleadonan y tambe bishitantenan di
departamento di Radiologia ta haya nan cu problemanan di salud pa motibo di e aire
contamina cu ta circula den e departamento. E problema aki ta conoci mas di un aña caba
como consecuencia di construccion y renobacion di Hospital. E ta conoci cu SOGA ta e
instancia encarga cu tur loke ta e renobacion y construccion di Hospital, y regularmente
Hospital ta informa SOGA cu esaki no por y cu te hasta e ta bira iresponsabel pa sigui
funciona asina. E ta conoci tambe cu empleadonan, apesar di intervencion medico, no
por sigui funciona y brinda cuido debidamente den un ambiente cu no ta saludabel y/ of
den cierto caso te hasta dañino pa nan salud.

Consecuentemente Directiva di Hospital ta haya su mes ta limita servicio di Radiologia
na solamente casonan di urgencia. Hospital su mision ta cu pashent ta na prome luga,
pero salud di empleadonan tambe ta di sumo importancia. Pues mester sostene den nan
empeño pa salvaguardia nan salud tambe hunto cu esun di pashent y otro bishitantenan. ?

Mientrastanto cu nos ta den espera di e solucion nos kier referi tur pashent cu ta desea di
traha un cita of kier informacion pa yama entre dialuna cu diabierna na number 527 4529
entre 7.30am y 3.30pm.

Apesar cu e solucion ta fuera di nos alcance, nos ta pidi un biaha mas nos disculpa pa e
inconveniencia aki y ta spera di por soluciona e problema aki lo mas pronto cu ta posibel
y den un forma definitivo.