Page 8 - AVB
P. 8
mas di 1.2 miyon florin na deskundig advies trahando como consehero di minister anterior y awor ta
masacrando FFD. Otro Hulandes Albertus Bolwerk tambe ta den FFD pero no tin nocion di deporte at all.
Den tur e plan macabro di FFD cu ta tumando lugar mester accentua cu 2 stadion tanto Compleho deportivo
Frans Figaroa como Stadion Guillermo Prospero Trinidad na Dakota a wordo afgekeurd pa motibo di
mantencion door di technical staff di CONCACAF kendenan tabata na Aruba pa haci un opname promer cu
weganan oficial di CONCACAF por tuma lugar den un di e stadionnan. E resultado final ta cu seleccion di
Aruba dia 9 di September proximo lo mester hunga den stadion na Corsou contra Bermuda pa cu weganan di
Nations League di CONCACAF.
Hustamente FFD a wordo lanta cu e idea pa mantene parkenan rond Aruba y primordialmente parkenan cu ta
cay directamente bou di su encargo manera Compleho deportivo Frans Figaroa. Den tur esaki Parlamentario
Croes ta continua bisando cu pa su sorpresa Directiva di FFD a bay over pa aproba compra di un Bobcat di
mas di 100 mil florin y un Man Lift tambe di mas cu 100 mil florin. Pues ta con loco bo por ta pa keda sin
mantene parkenan cual ta bo “core business” y ta gasta mas di 200 mil florin pa cumpra dos equipo pisa di
trabou?
Normalmente Brandweer ta coopera pornada pa mantencion di luznan y no tabata tin mester excusa pa un man
lift awor cu Aruba ta den crisis. Un Bobcat bo por huur un segun cu mester y por a spaar y inverti e 200 y pico
mil aki pa drecha e stadionnan pa pueblo di Aruba por mira wega internacional y seleccion di su pais hunga aki
na cas.
Endy Croes a termina bisando cu e siman aki “cos” lo mester pasa. Sea ta cambia e 3 miembronan di AVP cual
ta cay awor bou di minister Dangui Oduber of ta yama nan aden pa cuminsa duna cuenta. Si no bay den bon
nan lo mester bay den malo. Parlamentario Croes ta bisa cu lo bay investiga kende a gana placa den e deal di e
dos equiponan aki. Tin hopi man lift cu bo por haya na mitar di e prijs aki. Wie niet horen wil moet voelen!
